Finfin veke!

Ein bukett spreke ungar ved Feigefossen!

Måndag tok me lunsj i båten! Det gynga litt sidan det var nordavèr, men me hadde tak og kosa oss "inne".

Laurdag var det nyyyydeleg sommarvèr så då var me på fjorden og sola oss og reiste på Lustrabui og kjøpte oss is. Kos!!

Malene og Lilja har pause på vegen opp til fossen, medan Mats og Anja er i fint driv!

Uff... eg ser det blir litt sjeldnare enn eg hadde tenkt no, med denne blogginga... Men det er så travelt for tida! :) Tysdagskvelden var det ein tur i Gåpnaberget med barneidretten, onsdag jobba eg ekstra på skulen og det var fotballtrening for Malene. Denne gongen var det berre tre stk som møtte opp så me må nok vurdere den treninga for jenter som berre er 6 år... Kanskje det er i tidlegaste laget å starte med organisert fotballtrening.. Og sjølvsagt klarde Malene og skrape opp eit sår på kneet.. Og når ho skrapte opp kneet fyrste gongen så skreik ho, og når ho no klarde å skrape oppatt eit sår så skreik ho ENDÅ verre!!! Ingen høyrde isbilen som køyrde forvirra rundt i bygda på det tidspunktet! Eg forsikra ho om at foten heng på og sprutte på litt vatn for å sjå om det var stort sår under blodet... Og DÅ nådde lyden klimaks! Me avslutta fotballtreningen då... Det var heilt uaktuelt å fortsette med ein fot som nesten datt av tykte ho.. Me reiste heim, plastra og reiste til oldebesta. Der kom isbilen køyrande med ein isbil-vikar. For han som pleide å køyre hadde fått isjas kunne han informere om. IS-jas... Skummelt å køyre IS-bilen... Men me fekk is og kosleg selskap så kneet gjekk seg til og kvelden fekk ein fin avslutning.
Torsdag var det jobb på skulen; kurs. Veldig kjekt og lærerikt! Og tenk; jammen fekk eg meg jobb på skulen til hausten! Det fekk eg vite tysdagsettermiddag; kontaktlærar!!! What?? Jau, eg tek sats med begge beina og tek den utfordringa på strak arm!! Gledar meg masse til hausten!!! :) Fin arbeidsplass, fin klasse, fin stillingsprosent så dette må bli bra! Det var høgdepunktet denne veka!:)
Me fekk den nye båten vår denne veka òg, så det må vel seiast å vere ein bra ting i veka som gjekk. I helga har me sjøsett den og vore i Feiga og fått ut brygga. Så i dag, måndag tok me lunsjen i båten før me køyrde i Feiga til alle som var der.
Me tok årets første tur opp til Feigefossen. Den er stor no! Masse snø i fjellet som smeltar og fører til enorme mengder vatn som dett ned på same plassen... Det buldrar godt! Allereie er det ein jamn straum av turistar som går opp for å sjå den flotte fossen me har rett ved sida av garden i Feiga. Der kunne me ha tent masse peng dersom me hadde sett jentene på ein stein og sagt dei skulle synga til alle som gjekk forbi! :)

No er i grunn veka i gang att, sjølv om det er helgedag. Fredag reiser me til Bergen og laurdag til Spania og det gledar me oss til. Så no må me til å pakke...

Ha ei fin veke alle saman! Det skal eg! :)

Langhelg

Fredag var inneklemd dag så eg og Anja hadde fri frå skulen. Frode skulle på ettermiddag så difor fekk Malene og Emil fri òg slik at me kosa oss fredagsføremiddag alle saman. Eg fekk meg ein treningstur sidan Frode skulle ha arbeidshelg. Det gjorde godt.
Då Frode reiste på jobb sette eg og ungane kursen mot Mørkridsdalen for å sjå lamma som var komne der framme. Me stoppa på vegen inn og kosa oss med kvar vår Lustrabu-bolla! Mmm... Kan anbefalast!!
På Meljane var det mange lam, men enno to søyer som venta... Og jammen fekk me vera med på ei lembing! Er litt greitt for ungane å sjå korleis lamma kjem til verda. Eg var alltid med bestemor og bestefar då eg var lita og difor ynskjer eg at mine ungar skal få vera med på dette òg. Og trur de ikkje at eg måtte trø til for å få lammet ut?? Jau då, eg bretta opp ermane og var ikkje vanskeleg å be då eg fekk spørsmål om eg kunne hjelpe til. Lammet var stort og søya hadde problem med å få det ut! Så ein kan vel sei det slik at "Gubben og gamla drog, og så kom lammet til verda"! :) Fin følelse å vera med å hjelpe ein skapning til verda! Emil sa berre: Å uffameg...!! Hehe!! Men stor stas å holde lamma som gjekk ute for Emil og Anja. Malene er ikkje noko begeistra for desse dyra... Mamma; eg e jo livredde dessa sauedn!! Sa ho... :)
Laurdag vart Frode sjuk. Så det vart tur til Lærdal på meg og han. Norsk helsevesen på sitt beste har EIN lege på heile huset; så det vil jo sei litt venting. 5 timar var me på Lærdal sjukehus. Då var det godt å vite at ungane kosa seg med bestemor, bestefar, Lilja og Mats! :)
Søndag vart ein heimedag. Frode har sete i ein stol heile dagen og må ta det heilt med ro for å klare å puste. (Han har fått væske på ei lunge, infeksjon og store smerter) Men no er me starta med medisin så no må det bli bra. Me andre må trø til då, så eg og Anja slo plen. Så tok me oss ein tur rundt bygda, opp etter den fine Engjadalselva. Då fekk far litt pause frå kjas og mas òg! :)

Anja klypper plen. Flinke, store jenta vår!

Emil ved Engjadalselva. Molden i bakgrunn. Endeleg blir det vår og nydeleg vèr!

Malene plukkar blomar på markene ved elva. Kos! :)

No har eg fått meg ein trimtur så no er batteria fulle til morgondagen, og komande veke! :)

Seukjande mai

17.mai!!
Endeleg kom den etterlengta dagen. Alle tre ungane har hatt store forventningar til denne dagen. Me har håpa på fint vèr leeenge, men vèrmeldinga har meldt regn på denne dagen dei siste to vekene. Så då me vart vekte av 6.klassingane som sykla gjennom bygda med skramle-boksar hengande bak sykkelen og fløyter til å blåååååse i då klokka var 07.10, var me spente på om me høyrde regndropar på den nye pavaljongen ute på verandaen... Men, neimen om det regna!!!! Det var blå himmel og sola ville fram!! Fantastisk på ein dag som denne!!
Det er ikkje det same å gå i bunad dersom ein skal ha støvlar og regnjakke i tillegg... Så me sto opp, åt frukost og starta aksjon "påkledning". Fem stk Kvalsøren som skal inn i kvar vår bunad... Ungane er så spente på dagen og tykkjer det er så fantastisk kjekt å pynte seg med flotte bunader som bestemor har laga. Så når dei var påkledde og sat i sofaen og sang "Ja, vil elsker" var det min og Frode sin tur. Og sidan eg var vandt med å ta på bunadsølv så syns han at eg kunne hjelpe han òg... Så praktisk talt så kler EG på FEM stk! Heldigvis er eg god på å planlegge og strukturere morgonane! :) Panikken sat laust ei stund då "oppskrifta" på korleis Frode sin mannsbunad skulle på, ikkje låg der me trudde.. Sokkeband-knutar er ikkje mi greie... Men heldigvis dukka den opp og sokkane hang oppe heile dagen!
Det var eit fint, langt 17.-mai tog her i Gaupne i dag. Mange glade born og vaksne! Og med sol, flagg som vaia i vinden og "hipp-hipp-hurrrra" så kan ein ikkje bli noko anna enn gla! I allefall for oss som fekk delta.. Rundt omkring er det nokon som ikkje klarar å delta av ulike grunnar, og dei må ha det ekstra vanskeleg når dei ser kor mykje me har kosa oss... Eg hugsar sjølv for tre år sidan. Malene vart innlagd i Førde med crp på 300 fredag 15.mai. Ho låg med feber og ikkje språk, sov og sov på 17.mai... DET var ikkje kjekt! Etter det set eg ekstra pris på at me kan feire 17.mai alle saman i lag! Og i dag kom me i grunn fram til at det var jammen lurt at dei fann på grunnlova på våren, for det hadde ikkje vore det same å feira nasjonaldag med ein runde på ski i lysløypa på Heggmyrane i januar... Anja kunne i grunn tenkt seg at nokon snart kunne finne på ei grunnlov til slik at me fekk endå ein nasjonaldag! :)
Anja gjekk med klassen sin i toget, men måtte gje seg etter halvgått løp for gnagsåra hadde me gløymt å forhindre... At eg kunne gløyme å plastre ho FØR me reiste av garde.. Det er jo den store gnagsår-dagen så eg burde tenkt så langt... Men ho fekk heim og ha på plaster og bytte sko, medan me gjekk ferdig runden. Så reiste me i idrettshallen, der ungane var med vener, leika, åt is og kosa seg. Etterkvart vart me ei familebord med 14stk rundt, så det var kjekt! Det var oss, May Iren med familie, Lisbeth, Stian og Simon og besta og besten.:)
Då programmet var slutt reiste me på Kaupanger til bestemor og bestefar, Mats og Lilja. Dei venta på oss med lasagne og rømmegraut. Me åt og kosa oss, og sat ute i sola!
Emil syns han er så kul med bunad så han gjorde alt han kunne for å sjarmere damene; både Lilja og venninnene han leika med i idr.hallen.
Mamma? E seukjande (17.) mai slutt itte me ha sove spurde Emil når han la seg. Ja, sa eg. Åhhh, so domt, svara han. Det er eit tegn på at det har vore ein fin dag. Jentene fann kvite toppar og skjørt, og kvar sitt flagg som fungerte som drillstav og hadde drilloppvisning til oss før leggetid. Finingane mine! :)
No er bunadsskjortene kasta i vaskemaskina (på finvask; til alle som er bekymra!), så no skal eg henge dei opp og legge dei vekk til neste gong dei skal brukast. No er nasjonaldagen over, flagget er tatt inn, gubben er reist på fotballtrening, ungane søv og kveldsroen har senka seg. Takk for ein fin dag! Hugs å ta vare på alle dei gode minna frå i dag, og bruk dei til å sjå tilbake på når me får ein regnfull dag... Jammen har me det godt her, midt i svingen... :)

Snart 17.mai!

Er så fint når ting går seg til, når nokon du har kjær kjem heim, når borna kosar seg heime og tykkjer du er verdens beste... Slike ting må ein setje pris på! Og tenkje på kor verdifullt det er! Ikkje alle opplev dette, og nokon opplever det, men set ikkje pris på det. Eg har opplevd alle desse tinga i helga( i tillegg til mykje anna sjølvsagt), og eg set veeeldig stor pris på det! Kjenner eg har ein god følelse i meg i dag! Glad! :)
Me har hatt masse besøk i helga, kvar dag, og det er så kjekt! Fredagskveld med ei sjokoladeskål på bordet er max start på helga! Laurdag serverte eg tacosalat, og det er berre SÅ godt!! Kan anbefalast!!
Oppskrift: Ein raud paprika, ein gul paprika, ein grøn paprika, ein pk cherrytomater, to boksar mais, ein raudløk, ein purreløk. Ein boks lettrømme, ein boks lett philadephiaost, eine pakken med majones i ein to-pakning, eit glas tacosaus, sitronsaft frå ei halv sitron, salt og pepar. Bland alt i saman. Steik kylling i bitar, og i tacopulver og bland i. Og vips så har du ein fantastisk god salat! Server med ei skål med knuste nachoschips og ei skål med ost, som ein kan ta på toppen! :)
Søndag fekk me kaffigjester så då vart det karamellkake som eg bakte fredag. Hadde lagra oppskåren i frysen så det var berre til å legge på fat! :) Mmmm! Me løyvde eit stykkje så eg trur kanskje det blir kvelds i kveld! :) Hadde meg ei god spinningøkt i dag, så då kan eg unne meg eit ekstra stykke med kake syns eg! ;)
Hadde det vore fint vèr i kveld, og hadde me sett fram hagemøblane som me endeleg bestemte oss for så kunne eg sete ute i kveld og sett pris på at sommaren var komen... Men det er den ikkje... Så eg må nok vente.. Kan ikkje hugse sist eg såg det var sol på yr.no i fem dagar i strekk... No lyser me opp dersom me får ein dag med sol innimellom!!! Eg gleeedar meg til nokre varme dagar i Spania snart! Sjølv om flyturen gjev meg frysingar på ryggen... Eg får ikkje tenkje på det. Eg får berre møte opp og gå inn, for då kan eg ikkje gå utatt uansett kor redd eg er... Og i Spania kan eg jo ikkje vera så lenge så difor må eg innatt på flyet ein gong til. Men sist rista det så forferdaleg, så eg... Uff nei, eg skulle ikkje tenkje på det... Fly er moro det!! Æhh...
No er me klare til 17.mai-veka! Tre dagar med jobb, barnehage og skule og så er det 17.mai!! Ungane gledar seg til å pynte seg, til å vere med vener og til å ete IS!!! Me er heldige som kan feire nasjonaldagen vår på denne måten! Kristin; hugsar du me holdt 17.mai tale på Kauapanger i 9.?? Kunne tenkt meg å lese den no. Korleis me såg på dagen den gongen... Men, men... Hugsar ikkje korleis talen var, men eg hugsar eg var veldig spent, men òg stolt!:)

No er det oppattrydding og klargjering til neste veke!!! Ha ein strålande kveld, og ei fin veke!! :)

Hagemøbeldilemma...

Dagens gjeremål var å finne dei hagemøblane me hadde lyst på og som passa inn. Me reiste med forventingar om at dette skulle me klare. To vaksne og to ungar i baksete. Anja var jo på skulen så ho fekk ikkje vera med. Kriteriet for nye hagemøblar må jo vera at dei skal vera bedre enn dei me allereie har, og at dei må vera tilpassa vårt bruksområde. Altså; sofa med lite "salongbord" duge ikkje til å eta kotelettar på, så me må ha anten stolar eller sofa og eit vanleg, høgt bord. Eit alternativ er jo å kjøpe eit berre bord og stolar-sett og eit billeg sofa og bord- sett... Men kor ofte set me og drikk kaffi på altanen? Me drikk jo ikkje kaffi.. Ok, då er ikkje det eit stort behov. Høyrde ei dame som ville ha ein sofa som ho kunne ta middagskvilen på ute... Hmm.. ikkje eit kriterie for oss i allefall... Me fann eit nydeleg bord med to stolar og sofa, og høgt bord... Dritdyrt... Men det var i grunn det beste, så me bestemte oss nesten for det... Så fann meg ein hjørnesalong med høgt bord. Hm, det var i grunn ganske lurt for då er det jo plass til fem stk i sofaen og dersom me då kjøper nokre stolar ekstra så har me jo endå fleire sitjeplassar på den andre sida av bordet... For det hender jo at me får besøk om sommaren, og då er det jo dumt å kjøpe ei utegruppe som det berre er plass til oss fem ved... Kanskje..? Eller kan me kjøpe eit dyrt og eit litt billegare til reserve... Liksom? Me har jo bursdag om sommaren alle saman så det er kanskje ikkje så dumt... Me vart i allefall ikkje noko meir bestemde etter at me kom heim... Berre meir forvirra i grunn... Kanskje eg skal sjekke finn.no om det er noko å finne der... :)
Det er ikkje så lett å bestemme seg når ein har så mykje å velje mellom... Og desse rottingmøblane er jo veldig fine!! Så tek me dei gamle tre-møblane me har, og køyrer bort i Feiga. Der passar dei godt inn, og blir godt brukte!! :) For dersom det er fint vèr er me stort sett der!
Nei, me får sjå kva me blir enige om i heimen, om kva behov me har og kva kriterier me skal prioritera etter! :)
Hadde no vore kjekt å fått opp ny pavliong til 17.mai, og nye møblar... Og HÅPE på SOL!! :) Det hadde vore max!!
Resten av veka no, skal eg bruke til å manne meg opp til å stryke FEM!!!! bunadsskjorter...!!! Gje meg styrke!! Hadde det vore opp til meg, så hadde eg innført pologensarar istadenfor bunadsskjorter til alle born!! Tenk kor sutaslaust! Ikkje treng me å stryke, ikkje treng me vera redde for at dei frys, ikkje treng me vera redde for at dei skitnar seg til... Rett og slett uproblematisk!! Men torer eg vera først...??

Ha ein fin kveld alle saman! :)

Prøve te atte...

Her er biletet av Anja som har lært seg å ro!

Malene, Emil og eg var ein tur på Bergheim 1.mai. Nydeleg vèr og fantastisk utsikt!

På Bergheim fann me eit gevir av ein hjort.

Turnering og middag... og følelsar! :)

No har eg endra innstillingane slik at no kan dei som vil kommentera... Dersom det er noko å kommentera då, sjølvsagt... :)
Og no trur eg at eg har fått fiksa bileta eg prøvde å legge inn forrige gong. Litt datakveld i kveld... Har ein del jarn i elden for tida. Og i kveld var det ein fin kveld til å sitje med slike ting ved dataen. Har vore ute heile dagen, i snøvèr og sur vind; på miniputt-turnering. Så etter mange timar der med spreke ungar og ivrige foreldre så var det godt å kome inn i ei varm stove på Kaupanger til ferdiglaga middag! Tusen takk mamma og pappa!! Anja er inne i sin siste miniputt-sesong, medan dette var fyrste turneringen Malene var med på! Men like moro er det!! Og innsatsen er ikkje noko å seie på! Malene scora det fyrste målet til laget sitt (ho var med på laget til dei jentene som er eitt år eldre fordi hennas lag var for få i dag) og hadde ikkje sett korleis ho skulle juble så ho sto berre forsiktig utanfor målet og såg på oss galne foreldra som jubla villt og hemningslaust. Så trekte ho på smilebåndet og skjønte at det var nok noko bra ho hadde gjort, og at me vart like gla for at ho scora som når pappa scorar på a-laget, eller som pappa blir når han ser Tottenham-kamp.. :) Så tufla ho seg over på sin banehalvdel att. :) Heldigvis har ho ikkje fått med seg kva pappa seier og gjer når dei IKKJE scorar...!! Moro var det i allefall for både ho, laget og oss! Anja sitt lag hadde litt traurig start, men avslutta med seier over Sogndal så det var bra!! Me gledar oss til neste turnering. Det er dagen etter me kjem heim frå Spania, så me håpar på anna vèr enn snø....!!
I går fekk me middag i Luster så denne helga har eg faktisk ikkje laga middag..!! Ah, jammen godt!! Tusen takk til dei òg!!! :) Så no har eg det eg hadde kjøpt inn til helgas middagar ståande klart til komande veke. Lurt! :)
No har eg aldri vore særleg kjend for å vera så veldig god på kjøkkenet. Klarar meg greitt, men det er ikkje noko eg brenn for. Likar å bake litt og lage til enkel kveldskos, men avanserte rettar er ikkje mi greie. Så difor, å kome på allslags middagsrettar kan vera utfordrande. Men no altså; no har eg to middagar bankers som eg ikkje treng finne på. Dei ligg klare i kjøleskåpet. Eg seier ikkje kva det er. Det er ikkje så spennande... Men godt er det, og ungane likar det. Av prinsipp lagar eg kun EIN matrett til middag. Så me vaksne og ungane må møtast på midten liksom. Så sånne typiske vaksen-rettar lagar eg ikkje for då må eg laga ein rett til ungane, og sånn typisk pølse og makaroni-middag blir helst sjeldan. men er gode å ha på travle ettermiddagar.! :)
Spennande å sjå korleis det blir til hausten. Korleis eg jobbar då. Og kvar. Og kor mykje. Er litt lei av vikariat år etter år. Men eg har tru på at det ordnar seg. Snart. Eller litt seinare. Så får eg ta det då, kor lenge eg jobbar på ettermiddagane og kva middagsrettar det blir! :) No er det snart grillsesong(HÅPAR eg), og då blir det grilling av kjøt og fisk, ulikt tilbehøyr og grønsaker. Ah, grilling er digg! Berre me klarar å bestemme oss for kva hagemøblar me treng så... Ellers blir det piknink-teppe. Kos det òg. Men litt upraktisk kanskje...
Boka mi ventar. Den handlar ma om ei jente som må kjenne på kva ho brenn for. Og kjenne kva følelse det gjer ho. Det gjev ho masse energi og pågangsmot; det er den følelsen me alle må finne! Då blir det bra!
Ha ei fin veke! :)

Bilder manglar...

Vart ikkje bilder på forrige innlegg... Hm...

Bilder med ein smak av sommar! :)

Malene på Bergheim. Nydeleg utsikt; Nes, Indre Hafslo og Molden i bakgrunnen.
Anja har lært seg å ro. Øvelse gjør mester, så ho rodde i mange timar i helga. Og er allereie klar til komande helg. Og resten av sommaren! :)
Emil gjekk heile vegen opp på Bergheim utan å mukke. Der oppe fann me eit "hådn" so han kadla da. Så turen nedatt gjekk i denne duren: Eg e ein hjolt (R`en har han ikkje lært seg endå... Jentene sa den før dei var to, men han er snart fire og skal sei den når han blir voksen seier han...), eg e ein hjolt, eg e ein hjolt, eg e ein hjolt... Så plutseleg var me komne nedatt, og me var enige om at det var ein fin tur, og at Anja og pappa måtte bli med oss neste gong! :)

Langhelg i Feiga! :)

Så var denne langhelga over... Og me er komne i MAI!! Endeleg mai, sol og litt smaken av sommar! :) Eg har gått i singlett og kortbukse heile helga! Digg!! :) Tenkte for meg sjølv i dag, at jammen er det verdt å vente alle dei månadane med snø og kulde på sol og sommar!! Ein blir ikkje så kravstor liksom... Er fornøgd berre ein får eit par dagar med sol og litt varme! :)
Denne helga har me vore MASSE på finaste plassen på jord; Feiga! Eller Feigum. Både unge og vaksne gledar seg over den flotte naturen, stillheiten, fjorden, småkryp, små gjeremål, grilling og kos.. Søndag var eg og ungane borte til bestemor og bestefar( for å bruke ungane sine navn på dei... Malene sa: Mamma, da e faktisk ganske løge at DU ropa pao pappan din, for da e jo ikkje vaor pappa...). Me gjekk oss ein lang tur oppi skogen. Fann ei bru dar me leika Bukkene Bruse, hoppa på steinane ute i elva, for å sjå om me klarde å kome over på den andre sida. Men no var elva for stor, og ungane sine bein var litt for korte.. Men me hadde det no moro med det likavel. Emil sto ein halvtime og kasta stein i elva. Anja og bestefar fann seg greiner som dei spikka på, og laga sprettertar av. Sat ved elvebrusen ein times tid. Alle kosa seg. Så gjekk me vidare og fann gamle stiar og gamle ting.
Me grilla til middag, og slappa av når me kom nedatt. Dei fyrste turistane er komne allereie, for å gå opp til fossen. Me trefte eit hyggeleg par då me kom nedatt frå skogen. Dei syntes me har storslått natur her i Luster. Og det har me! Eg ynskte dei god tur, og dei takk for det! :)
Den gamle båten som har lege opp-ned i sjøkanten i fleire år no, fann me ut at me ville vaske og setje istand att. Så det gjorde me òg. Anja og bestefar var ute og øvde på å ro. Anja vart kjempeflink. Både i går og i dag har ho vore utpå åleine, ror og kosar seg på fjorden. I dag hadde ho med seg Malene òg. Dei elskar å vere utpå med båten. Emil kan eg ikkje lite heilt på endå, så han lyt bli på land dersom ingen vaksne er med. Eg og han var med i går. Anja rodde oss fram og tilbake frå stråndi til elvemunningen i ein times tid... Kos!
I dag var onkel Helgi og tante Kristine i Feiga med oss òg. Kjekt!:) Anja vart med dei på fisketur i Feigeelva, og kom SÅ stolt og viste fram to fiskar! Rett nok på storleik med sardiner, men likvel; fisk! :) Medan dei gjorde det så hadde eg, Malene og Emil oss ein tur på Bergheim. Var veldig spent på kor langt Emil ville gå, men han gjekk heile vegen sjølv! Me stoppa i kvar sving og drakk ein slurk med saft. Elles brukte me litt hokus pokus, og så var me oppe! :) Eg hadde handa i lommen, sa HOKUS POKUS PANG, TRYLL FRAM EIN SANG! Og så skulle dei gjetta og synga den sangen eg trylla fram. Me song oss rett og slett oppover! Moro!
Og SÅ stolte når me kom på toppen. Der sit ein oppe og ser utover heile Lustrafjorden. Kan absolutt anbefalast! Den turen klarar alle! :) Emil fann eit gevir av ein hjort som han draksa på heile vegen nedatt. Spennande med ting ein finn i naturen.
Så vart det grilling til middag i dag òg(Anja meinar bestemor skulle vore kokk istaden for Nordbohus-arbeidar og kan vel sei meg enig i det), før me sette kursen mot Gaupne og kvardagen att. Så no blir det fotballtrening for Malene i morgon, for Anja på torsdag, Frode spelar kamp på fredag og fotballturnering på søndag. Tjohei! Mai er godt i gang, ta vare på kvar dag og nyt den! :)